विराटनगर। क्रोएसिया पठाइदिन्छु भन्दै रकम ठगी गरेको आरोपमा विराटनगरका एकजनालाई प्रहरीले पक्राउ गरेको छ । पक्राउ पर्नेमा बिराटनगर महानगरपालिका स्थायी घर भएका ३६ वर्षीय उत्सव दाहाल रहेका छन् । हाल काठमाडौं महानगरपालिका–१० बस्दै आएका थिए ।
बिहीबार बालाजुको माछापोखरीबाट काठमाडौं उपत्यका अपराध अनुसन्धान कार्यालयको टोलीले दाहाललाई पक्राउ गरेको हो । दहालले अजय वाइवालाई वैदेशिक रोजगारको लागि क्रोएसिया पठाइदिन्छु भनी २ लाख रकम ठगी गरेको आरोप छ । पक्राउ परेका उनलाई कारबाहीको लागि वैदेशिक रोजगार बुद्धनगर पठाइएको प्रहरीले जनाएको छ ।
पीडितसँग दुई लाख रुपैयाँ रकम लिई सम्पर्क विहीन भई ठगी गरेकोले वैदेशिक रोजगार विभागको आग्रहमा पक्राउ गरी उपस्थित गराइएको बताइएको छ । काठमाण्डौं महानगरपालिका १६ बालाजुबाट उनलाई पक्राउ गरिएको थियो ।
