विराटनगर । नेपालको विभिन्न भूभागमा वर्षाको सम्भावना रहेको छ ।
प्रदेश १, मधेश, बागमती र गण्डकी प्रदेशका केही तथा अन्य प्रदेशका पहाडी भूभागका एक-दुई स्थानमा हल्कादेखि मध्यम वर्षाको सम्भावना मौसम पूर्वानुमान महाशाखाले जनाएको छ । प्रदेश १, मधेश र बागमतीका केहि स्थानमा भारी वर्षाको सम्भावना रहेको छ । ती प्रदेशका पहाडी भूभागमा पहिरो तथा गेग्रान बहाव र खहरे खोलामा बाढीको चेतावनी पनि दिइएको छ ।
बिहिबार दिउँसो प्रदेश १, बागमती र गण्डकीका केही तथा मधेश प्रदेश लगायत बाँकी प्रदेशका पहाडी भूभागका केहि स्थानमा वर्षाको सम्भावना महाशाखाले जनाएको छ । आज राति प्रदेश १, मधेश र गण्डकीका थोरै स्थानमा भारी वर्षाको पनि सम्भावना रहेको छ।
