विराटनगर । विराटनगरबाट रङ्गेली गईरहेको बसमा सवार एक यात्रुले बोकेको एसिडको बोतल झर्दा ५ जना घाइते भएका छन् ।
रङ्गेली गईरहेको को १ ख ३९८१ नम्बरको बसमा बोतल झर्दा एसिड उछिट्टिएर सवार ५ जना यात्रु घाईते भएका हुन् ।
उनीहरुको हाल विराटनगरस्थित कोशी अस्पतालको आकस्मिक कक्षमा उपचार भईरहेको छ ।
घाईते हुनेमा मोरङको दादरबैरिया बस्ने ४२ वर्षीय ओमनारायण राजवंशी, विराटनगर बस्ने वर्ष २० का विनोद परियार, वर्ष २४ की निता राजवंशी, डायनिया बस्ने वर्ष २२ की सविहा खानम र सुनसरीको चक्रघट्टी बस्ने वर्ष ४० की सुमित्रा उरावँ रहेकी छन् । हाल उनीहरुको अवस्था सामान्य रहेको अस्पतालले जनाएको छ ।
बसमा सवार एसिड बोक्ने व्यक्तिलाई प्रहरीले नियन्त्रणमा लिएको जनाएको छ । तर, हालसम्म उनको पहिचान भने खुल्न सकेको छैन् । पक्राउ परेका व्यक्ति सुनचाँदी कारोबारी रहेको श्रोतको जानकारी छ ।
