विराटनगर । मोरङको बुढिगंगास्थित गंगाचौकमा (विराट टिचिङ्ग अगाडी) शुक्रबार बिहान भएको दुर्घटनामा दुईजनाको मृत्यु भएको छ । विराटनगरबाट इटहरीतर्फ गईरहेको ट्रकले मोटरसाइकललाई ठक्कर दिदाँ मोरङ केराबारीका दुईजनाको मृत्यु भएको हो ।
मृत्यु हुनेमा केराबारी–७ का २७ वर्षीय हर्क परियार र २१ वर्षीय भीमबहादुर राईको मृत्यु भएको हो । को ३० प ९१०३ नम्बरको मोटरसाइकलमा सवार उनीहरुलाई एसआर ३८ एक्स २९१० नम्बरको सवारीले ठक्कर दिइएको जिल्ला ट्राफिक प्रहरी कार्यालय मोरङका प्रमुख राजकुमार कार्कीले जानकारी दिनुभयो ।
