नोबेल मिस्टर एण्ड मिस थारु आइकन २०७९ हुने

नोबेल मिस्टर एण्ड मिस थारु आइकन २०७९ हुने

विराटनगर । थारु कला केन्द्रको आयोजनामा हुने प्रदेश १ स्तरीय नोबेल मिस्टर एण्ड मिस थारु आइकन २०७९ का लागि आबेदन खुल्ला गरिएको छ। यसका लागि थारु कला केन्द्रको वेब साइटबाट अनलाइन आबेदन भर्न सकिनेछ।

थारु कला, संस्कृति, भेषभुषा, भाषा, खानपान तथा रितिरिवाजलाई झल्काउँन र संरक्षण गर्न तथा थारु प्रतिभालाई उजागर गर्न कार्यक्रम आयोजना हुने अध्यक्ष बिएन चौधरीले जनाएको छ। पहिलो र दोश्रो संस्करण सफलता पुर्वक सम्पन्न गरी सकेको थारु कला केन्द्रले तेस्रो संस्करणमा बिगत भन्दा प्रभाबकारी तथा पर्यटकीय प्रवर्धनमा समेत टेवा पुग्ने गरी कार्यक्रम हुने बताए ।

प्रदेश १ को राजधानी विराटनगर, गाईघाट, झुम्का, बिर्तामोड, दुहबी र नेताचोकमा अडिसन हुनेछ भने श्रावण मसान्त सम्म आबेदन फारम भर्न सकिनेछ । अडिसन हुने मिति भने तय हुन् बाँकी रहेको कार्यक्रम संयोजक सनराइज चौधरीले बताए। आबेदनका लागि एसईइ उतिर्ण, १६ बर्ष देखि २७ बर्ष सम्मका अबिबाहित महिला तथा पुरुषले आबेदन दिन सक्नेछ। तेस्रो संस्करणमा भने बिजेताहरुले नगद सहित दुबई भ्रमण गर्न पाउने छन् । साथै अध्यनका निःशुल्क छात्रवृति, निःशुल्क बेसिक एण्ड मेकअप कोर्ष, म्युजिक भिडियोमा अवसर पाउने चौधरीले बताए ।

अरु ब्युटी प्याजेन्ट “सो” भन्दा यो फरक कार्यक्रम रहने र यसमा थारु समुदायको सौन्दर्यता र प्रतिभालाई मात्र झल्काउने होइन थारुको कला संस्कृति, परम्परा, भेषभुषा र भाषालाई बचाई राख्न र संरक्षण गर्न र राष्ट्रिय तथा अन्तराष्ट्रिय स्तरमा चिनाउने र अवसर प्रदान गर्ने थलो रहेको केन्द्र सल्लाहकार देब कृष्ण बिश्वासको तर्क छ।

सुनसरीमा जेयस कलेक्सन खनार, अफ्टर डार्क दुहबी, मेघा डिजिटल झुम्का, राइजिङ्ग डान्स एण्ड जुम्बा सेन्टर झुम्का, झापामा पर्पल किचेन एण्ड इन्टेरियर दमक र उदयपुरमा जे एण्ड फुड ल्याण्ड एण्ड पार्टी गाईघाटबाट आबेदन फारम भर्न र बझाउन सकिनेछ । त्यसैगरी मोरङको निशील पुस्तक नेताचोक, क्लासिक रेष्टुरेन्ट एण्ड बार नेताचोक, ए बन फोटो स्टुडियो झोराहाट, ह्याज ट्याग फुड एण्ड बार विराटनगर, आइफोन केयर विराटनगरमा आबेदन फारम भर्न बुझाउन सकिनेछ ।

पहिलो संस्करणमा बिजेता तेजेन्द्र बिश्वास र सिवानी चौधरी, फर्स्ट रनर अप सिजन चौधरी र सृजना चौधरी, सेकेन्ड रनर अप सुवास चौधरी र अंकिता चौधरीलाई चिनाउन सफल भएका थिए भने दोश्रो संस्करणमा बिजेता अमन चौधरी र अंकिता बिश्वास, फर्स्ट रनर अप करण माझी र रेसिका चौधरी, सेकेन्ड रनर अप पारस चौधरी र सोनम चौधरी भएका हुन्।

यो खबर पढेर तपाईलाई कस्तो महसुस भयो ?

Loading spinner

तपाईको प्रतिक्रिया लेख्नुहोस्