विराटनगर । विराटनगर ७ रगेंली रोडमा रहेको गेटवेल हस्पिटलले कटहरीमा निशुल्क स्वास्थ्य शिविर संचालन गरेको ।
राजवंशी समाज विकास गाँउ इकाइ समिति कटहरी २ को आयोजना तथा गेटवेल हस्पिटलको प्राविधिक सहयोगमा संचालन भएको शिविरमा २ सय ५० बढीले सेवा लिएको राजवंशी इकाई समितिका अध्यक्ष सुभाष चन्द्र राजवशीले जानकारी दिए । शिविरमा सर्जन, फिजिसियन साथै स्त्री तथा प्रसुती रोग सम्बन्धि सेवा प्रदान गरिएको बरिष्ट सर्जन डाक्टर सरोज राजवंशीले जानकारी दिए ।
शिविरमा डाक्टर राजवंशी, बरिष्ठ फिजिसियन डाक्टर अमरेन्द्र कुमार शाह , हाडजोर्नी विशेषज्ञ राम कुमार यादव, बरिष्ठ रेडियोलोजिष्ट राजेन्द्र चौधरी , स्त्री तथा प्रसुती रोग विशेषज्ञ डाक्टर तुलसी महतो, डाक्टर आकाश शाह, लगायतले सेवा दिएका थिए ।
शिविरमा गेटवेल हस्पिटलको फार्मेसीले निशुल्क औषधी समेत वितरण गरेको थियो अस्पतालका मार्केटिङ्ग अफिसर मनोज राजवशीले जानकारी दिए ।
