विराटनगर । मोरङको बुढीगंगा गाउँपालिका–३ गोकुवा चोकस्थित पानी जमेको खाल्डोमा डुबी बालकको मृत्यु भएको छ ।
आइतबार बेलुका करिब ५ बजे हराएका बालक सोमबार (आज) मृत फेला परेका हुन्। पानी जमेको खाल्डोमा डुबेको अवस्थामा ६ वर्षीय अंकित रामको शव सोमबार बिहान भेटिएको प्रहरीले जनाएको छ । अभिभावक त्यहाँ कोठा भाडामा लिएर बस्दै आएका थिए । नजिकै नदीजन्य सामाग्री थुपारिएको स्थानमा खाल्डो थियो । त्यसमा पानी जमेको थियो । बालकको शव पानीमा भेटिएको हो ।
अभिभावक भारत देवरियाका हुन् । बालक बेपत्ता भएपछि आफन्त र अभिभावकले प्रहरीको सहयोगमा रातभर खोजी गरेका थिए । शव भेटिएपछि पोस्टमार्टमका लागि विराटनगरको कोशी अस्पताल पठाईएको छ । घटना बारेमा प्रहरीले थप अनुसन्धान गरिरहेको जनाएको छ ।
फोटो:फाइल
