विराटनगर। विराटनगरमा आयोजना हुने राधाकृष्ण रथयात्राको दिन एकलाख मास्क वितरण गरिने भएको छ ।
कोरोना संक्रमणलाई मध्यनजर गर्दै विराटनगरका युवा दिलसाद आलमले एकलाख मास्क वितरण गर्ने घोषणा गरेका हुन् । सोमबार बिहान सामाजिक संजाल फेसबुकमार्फत उनले एकलाख मास्क विवरण गर्ने जानकारी गराएका थिए । विराटनगरमा एकै पटक हजारौं नागरिक श्रद्धा अर्पण गर्न सडकमा निस्कने गरेका छन् ।
आलमले मास्क वितरण गरेर रथयात्रामा सहभागी हुन आउने श्रद्धालुलाई कोरोना संक्रमणको जोखिमबाट सुरक्षित रहनुपर्ने सन्देश दिन खोजेको बताएका छन् । उनले काठमाण्डौंबाट मास्क मगाएर वितरण गर्ने जानकारी दिइएका छन् । उनले हिन्दुहरुको आस्थाको दिन अन्तर–धार्मिक सहिष्णुता दर्शाउन पनि मास्क वितरण गर्ने जनाएका छन् । आलम विराटनगरमा सामाजिक क्षेत्रका क्रियाशिल युवा मानिन्छन् ।
