विराटनगर । विराटनगरमा ५४ औं संस्करणको राधाकृष्ण रथयात्रा सुरु भएको छ । तीनपैनी (पानीट्याङ्की) स्थित राधाकृष्ण मन्दिरबाट रथयात्रा सुरु गरिएको हो ।
राधाकृष्णलाई रथारोहण गराएर मन्दिरमा विधिपूर्वक पूजाअर्जना गरेर रथयात्रा निकालिएको छ । कोरोनाका कारण ५२ र ५३ औं संस्करण परम्परा धान्ने गरि मात्रै निकालिएको थियो । यो वर्षको रथयात्रा अन्यौलबीच आज शनिबार निकालिएको छ ।
पानीट्याङ्कीबाट निकालिएको रथलाई बजारको परिक्रममा गराईने छ । मेनरोडबाट रोडशेष, रोडशेषबाट कोशी राजमार्ग हुँदै बरगाछीबाट पुनः राधाकृष्ण मन्दिर परिसरमा रथ ल्याएर बिसर्जन गरिने छ ।
