विराटनगर । विराटनगर–१२ मल्हन्वा टोलमामा दुई पक्षबीच ग्याङ फाइट हुँदा दशजना घाइते भएका छन् । मङ्गलबार साँझ भएको ग्याङ फाइटमा घाईतेमध्ये एक जनाको अवस्था गम्भीर छ ।पुरानो रिसिइबीका कारण दोहोरो झडप हुँदा राजकुमार राजबंशी गम्भीर घाइते भएका हुन् ।
न्युरो अस्पतालमा उनको उपचार भइरहेको छ । अन्यको कोसी अस्पतालमा उपचार भइरहेको प्रहरीले जनाएको छ । गोपाल राजवंशी र राजकुमार कामतको समूहबीच झडप भएको थियो । अजय राजवंशी, सञ्जीव राजवंशी, मन्जित राजवंशी, गणेश राजवंशी र धनपथ राजवंशी घाइते भएका हुन् ।
कामततर्फका राजकुमारसहित दिनेश कामत, राजु कामत, सञ्जय कामत र काली कामत घाइते भएक छन् । घटनाको सम्बन्धमा प्रहरीले थप अनुसन्धान गरिरहेको छ ।
