विराटनगर । विराटनगरबाट प्रहरीले करिब साढे तीन लाख मूल्य बराबरको अवैध कपडा बरामद गरेको छ ।
बिहिबार राति करिब ७ बजे विराटनगर–४ स्थित बरगाछी चोकबाट प्रहरीले ३ लाख ४५ हजार पाँच सय ८० रुपैयाँ बराबरको विल नभएको कपडा बरामद गरेको हो ।
जिल्ला प्रहरी कार्यालय मोरङ तथा जिल्ला ट्राफिक प्रहरी कार्यालय मोरङबाट संयुक्त रूपमा खटिएको चेकिङ टोलीले चेकचाज गर्ने क्रममा कपडा बरामद गरेको हो ।
उक्त बरामद गरेको कपडा आवश्यक कारवाहीको लागि राजश्व अनुसन्धान कार्यालय इटहरी सुनसरी बुझाइएको मोरङ प्रहरीले जनाएको छ ।
