अमेरिका । गिरिजाप्रसाद कोईराला फाउण्डेसन अमेरिकाका अध्यक्ष सोमनाथ घिमिरे गैरआवसीय नेपाली संघ अमेरिकाको मानद परिषद सदस्यमा नियुक्त हुनुभएको छ ।
गैरआवसीय नेपाली संघ अमेरिकाको राष्ट्रिय समन्वय परिषदले घिमिरेलाई मानद परिषदको सदस्यमा नियुक्त गरेको हो । घिमिरे आगामी २०२३ सम्मका लागि नियुक्ती गरिएको गैर आवसीय नेपाली संघ अमेरिकाका महासचिव अन्जन कुमार चौलागाईले जानकारी दिनुभयो ।
अमेरिकामा २५ वर्ष भन्दा बढी रहेर नेपाली समुदाय र नेपालका लागि गरेको योगदानको मुल्याकंन गरेर सम्मान स्वरुप घिमिरेलाई उक्त पदमा नियुक्त गरेको संघले जनाएको छ ।
जिपी कोईराला फाउण्डेसन अमेरिकाको अध्यक्ष पदमा कार्यरत घिमिरेले उक्त संस्था मार्फत नेपाल र अमेरिकामा विभिन्न सामाजिक अभियानहरु सञ्चालन गर्दै आउनुभएको छ ।
