विराटनगर । विराटनगर महानगरपालिका १२ स्थित रोडशेष चौकबाट सामान सहित ट्रयाक्टर बरामद गरेको छ ।
आइतबार दिउसो करिब ३:५० बजे विराटनगर महानगरपालिका १२ स्थित रोडशेष चौकमा भारतबाट नेपालतर्फ आउदै गरेको बी आर
३८ बी २३७८ नम्बरको ट्रयाक्टरलाई प्रहरीले नियन्त्रणमा लिएको हो।
जहदा गाउँपालिका-१ बस्ने ट्रयाक्टर चालक बर्ष १९ को रमेश यादवले राजश्व चुहावट गरी लत्ताकपडा लगायतका ट्रयाक्टर सहित अन्दाजी रू. ४०,००,०००।- (चालिस लाख) को सामान ल्याउँदै गरेको अवस्थामा जिल्ला प्रहरी कार्यालय मोरङबाट खटिएको प्रहरी टोलीले नियन्त्रणमा लिएको थियो।
आवश्यक कारवाहीको लागि राजश्व अनुसन्धान कार्यालय ईटहरी सुनसरी पठाईएको जिल्ला प्रहरी कार्यालय मोरङले जनाएको छ ।
