विराटनगर । विराटनगर ९ स्थित कलेज रोडमा २० बढी स्वादमा चिया पाईने उद्धेश्य सहित चियावालाज् फेमिली क्याफे संचालनमा आएको छ ।
नयाँ अवधारणका साथ भानुटोलको कलेजरोडमा क्याफे संचालनमा ल्याईएको हो । क्याफेमा साधारण चियाका साथै,केशर चिया,म्याङ्गो टी,पामोग्रनेट टी,कोकोनट टी र कर्डिमोम टी लगायतको २० भन्दा बढी भेराईटी र स्वादमा चिया उपलब्ध हुने संचालक युसुफ रजा खानले जानकारी दिए । क्याफेमा उपलब्ध हुने चियाको मुल्य न्यूनतम २० देखी अधिकतम ७५ रुपैया राखिएको छ । यसका साथै नेपाली,ईण्डियन र चाईनिज परिकारका भेज तथा ननभेज स्न्याक्सहरु समेत क्याफेमा उपलब्ध हुने खानले बताए । विद्यार्थी,कर्मचारी र परिवारसंग चिया–नाश्ता खान आउने व्यक्तीहरुलाई लक्षित गरेर क्याफे संचालनमा ल्याइएकाले क्याफेमा मदिराको विक्री वितरण नगरिने संचालक पक्षले जनाएको छ ।
शुरुमा १० लाखको लगानी गरिएपनि क्रमिकरुपमा लगानी थप गर्दै जाने संचालकले बताएका छन । क्याफेमा कुक,वेटर र म्यानेजरगरि १० जनाले रोजगार समेत पाएका छन । क्याफे निर्माणकालागि फलामको प्रयोगगरि कुशल ईन्जीनियरिङबाट आर्कषक संरचना निर्माण गरिएको छ । साथै क्याफेमा पुल हाउस समेत रहेको जनाइएको छ ।
