विराटनगर । बिद्यार्थीहरुले आफ्नो पढाइ पश्च्यात आफ्नो क्षमता अनुसारको रोजगारी नपाएको नेपाली परिवेशमा विराटनगरमा देश भर बाटै बिभिन्न बिजनेस हाउसको उपस्तिथीमा रोजगारी मेला आयोजना हुने भएको छ ।
बेलायतको युनिभर्सिटी अफ वल्भरह्यामटनको साझेदारीमा संचालित विराटनगर इन्टरनेसनल कलेजले आफ्ना बिद्यार्थीको लागि उक्त रोजगारी मेला आयोजना गर्न लागेको हो । कलेजमा असोज २९ गते उक्त रोजगारी मेला आयोजना हुन लागेको हो । कलेजबाट ग्राजुएट भएका बिद्यार्थी साथै फाइनल बर्षका बिद्यार्थीहरुको लागि कलेजले उक्त रोजगारी मेलाको आयोजना गरेको कलेजका अपरेसन प्रमुख बिबेक दाहालले जानकारी दिए ।
कलेज परिसरमा आयोजना हुने उक्त कार्यक्रममा २० बढी कम्पनीहरुको उपस्तिथी हुने कलेजले जनाएको छ । कलेजले उद्योग संगठन मोरङसंग पनि उक्त रोजगारी मेलाको लागि साझेदारी गरेको छ ।
एकातिर रोजगारीको खोजिमा रहेका जनशक्ति र अर्कातर्फ रोजगारदाताले कम्पनीले आवश्यकताअनुसार कर्मचारी पाउन नसकिरहेको बेला आयोजना हुने मेलाले पुलको काम गर्ने अपेक्षा गरिएको कलेजका प्रमुख कार्यकारी ऋषिकेश वाग्लेले बताए ।
साथै कार्यक्रममा रोजगारदाताको आवश्यकता, सीपयुक्त कर्मचारीको मागको परिपूर्ती कसरी गर्न सकिन्छ भन्ने विषयमा बृहत् छलफल समेत हुने वाग्लेले बताए ।
इनोभेट नेपाल ग्रुपको व्यस्थापनमा संचालित यस कलेजमा बेलायतको इन्टरनेसनल बिजनेस म्यानेजमेन्ट र इन्टरनेसनल हस्पिटालिटी म्यानेजमेन्ट डिग्री सर्वशुलभ शुल्कमा अन्तरास्ट्रियस्तरमा नै पढाइ हुदै आएको छ । इनोभेट नेपाल ग्रुपको व्यस्थापनमा बिराटनगर इन्टरनेसनल कलेज , इस्लिंग्टन कलेज काठमाडौं , हेराल्ड कलेज काठमाडौं . इटहरी इन्टरनेसनल कलेज र इन्फोम्याटिक्स कलेज पोखरा संचालनमा रहेका छन् ।
