विराटनगर । विश्व मानसिक स्वास्थ्य दिवस विराटनगरमा विविध कार्यक्रम गरी मनाइएको छ । अक्टोबर १० का दिन मनाईने यो दिवस ‘सवैका लागि मानसिक स्वास्थ्यलाई विश्वव्यापी प्राथमिकता बनाऔँ’ भन्ने मूल नारासहित सोमबार कोसी अस्पतालमा विभिन्न कार्यक्रमको आयोजना गरी मनाइएको हो ।
मानसिक स्वास्थ्यका बारेमा जनचेतनामूलक र जागरण गराउने उद्देश्यले व्यानरसहित कोसी अस्पताल हुँदै तीनपैनी र विराटनगरका मेन बजार परिक्रमा गरिएको कोसी अस्पतालका मनोचिकित्सक डा. प्रभात चालिसेले जानकारी दिए । उनका अनुसार कार्यक्रममा मानसिक स्वास्थ्यका क्षेत्रमा कार्यरत चिकित्सक, अन्य क्षेत्रमा कार्यरत चिकित्सकहरुको उपस्थिति रहेको थियो ।
घर, समाजमा रहेका मानसिक स्वास्थ्य सम्बन्धिका बिरामीहरुलाई हेला गरेर भन्दा पनि पारिवारिक साथ, माया दिएर उपचारमा लागि पर्नुपर्नेमा डा. चालिसेको भनाई छ । मानसिक स्वास्थ्य मानिसको जीवनका लागि अभिन्न रहेको बताउदै उनले सबैको मानसिक स्वास्थ्यलाई प्राथमिकतामा राख्न जरुरी छ ।
