विराटनगर असोज २६ , राष्ट्रिय प्रजातन्त्र पार्टीको मोरङ जिल्ला अध्यक्ष माधब प्रसाद आचार्यले प्रदेश सभा सदस्य पदमा राप्रपाबाट उमेदवारी दर्ता गरेका छन् ।
लामो समयबाट राप्रपाको राजनीतिमा रहेका उनले मोरङ क्षेत्र नम्बर ४ (ख) बाट प्रदेश सभा सदस्य पदमा उमेद्वारी दिएका हुन् । हिन्दु राष्ट्र कायम , सवैधानिक राजसंस्था पुन:स्थापन , भ्रस्टाचारलाई जरैबाट उखेलेर फाल्न , बिकासको मूल फुटाउने लगायतका एजेन्डाका साथ उनले उमेद्वारी घोषणा गरेको बताएका छन् ।
सत्तामा रहेका पुराना राजनीतिक दलसंग जनता आजित भएको अवस्थामा अबको दिनमा जनताको पिडा बुझ्ने दल राप्रपा रहेको र जनताले यो पटक राप्रपालाई मत दिने उनले दाबी गरे ।
