विराटनगर । मोरङको उर्लाबारीमा छुरा प्रहारबाट एक किशोरको हत्या गरिएको छ । उर्लाबारी–७ मावा खोलामा आयोजित छठ पूजा स्थलमा आइतबार साँझ छुरा प्रहारबाट झापाको दमक–१० बस्ने १४ वर्षीय दिवस श्रेष्ठको ज्यान गएको हो ।
छुरा प्रहारबाट घाइते भएका श्रेष्ठलाई उर्लाबारीस्थित गोदावरी हस्पिटलमा भर्ना गरिएको थियो । थप उपचार आवश्यक भएपछि झापाको बिएण्डसी हस्पिटलमा भर्ना गरिएकोमा बिहान ४ः१५ बजे उनको मृत्यु भएको जिल्ला प्रहरी कार्यालय मोरङका प्रहरी नायव उपरीक्षक दिपक श्रेष्ठले जानकारी दिएका छन् ।
छुरा प्रहार गर्नेको खोजीलाई प्रहरीले तिव्र बनाएको छ । हत्यामा संलग्नको खोजी कार्यसँगै केही शंकास्पद ब्यक्तिमाथि प्रहरीले निगरानी गरिरहेको छ । प्रहरी नायव उपरीक्षक श्रेष्ठका अनुसार घटनाको अनुसन्धान भईरहेको छ ।
