विराटनगर । गत कार्तिक ७ गते बुढीगंगा–४ स्थित नितेश पेट्रोलपम्पको काउन्टरमा आगलागी हुँदा घाईते भएका एकजनाको उपचारका क्रममा मृत्यु भएको छ ।
बिद्युत सर्ट भएर आगलागी हुँदा विराटनगर–४ का गान्धी मण्डल र अशोक चौधरी घाईते भएका थिए ।
घाईतेमध्ये गम्भीर घाईते मण्डलको टिचिङ अस्पताल काठमाण्डौंमा उपचारका क्रममा मृत्यु भएको मोरङ प्रहरीका प्रवक्ता दिपक श्रेष्ठले जानकारी दिएका छन् । अर्का घाईते चौधरी उपचारपछि घर फर्किसकेका छन् । उनी सामान्य घाईते भएका थिए ।
मण्डल र चौधरी त्यहाँका कर्मचारी थिए । बिद्युत सर्ट भएर काउन्टरमा एक्कासी आगलागी भएको थियो ।
