ताप्लेजुङमा सदरमुकाम फुङलिङमा शनिबार बिहान अटो दुर्घटना हुँदा दुई जनाको मृत्यु भएको छ । एक जना गम्भीर घाइते भएका छन् । पाथीभरा याङ्वरक गाउँपालिका नाङखोल्याङका ७५ वर्षका धनबहादुर गुरुङ र ११ वर्षका उनका नाति इशान गुरुङ रहेको ताप्लेजुङ प्रहरी प्रमुख डीएसपी कैलाश राईले जानकारी दिए
उनका अनुसार फुङलिङ नगरपालिका- ८ बेजम्बुबाट सुकेटार विमानस्थलतर्फ हिंडेको १-००२-००३ ह ३९०० नम्बरको अटो दोखुको नाम्लेपाटी माथि घ्याङ डाँडामा दुर्घटना भएको हो । डीएसपी राईका अनुसार गम्भीर घाइते भएका अटो चालक गंगाराम राईलाई उपचारका लागि ताप्लेजुङ जिल्ला अस्पताल ल्याइएको छ ।
घटनास्थलमा प्रहरी टोली पुगिसकेको र विस्तृत विवरण केहि समयपछि आउने उनले बताए।
