विराटनगर । मोरङमा बेलुका ५ बजेसम्म ६५ प्रतिशतको हाराहारीमा मत खसेको छ । निर्वाचन आयोगको पूर्वनिर्धारित समयसम्म मोरङका धेरै स्थानमा मतदान जारी छ ।
प्रदेश १ निर्वाचन कार्यालय विराटनगरका प्रमुख लेवन काश्यप अधिकारीले दिएको जानकारी अनुसार जिल्लाभर अहिले पनि मतदान जारी छ । कुनै पनि मतदानस्थलमा अहिलेसम्म अवरुद्ध छैन । ५ बजेसम्म लाइनमा बसेकाहरुले मत हालिसक्ने अझै केहिबेर लाग्नेछ ।
मोरङमा ६ प्रतिनिधिसभा र १२ प्रदेशसभाका लागि ३०६ मतदान केन्द्रमा ८३९ मतदान स्थल छन् । जसमा १०८ प्रतिनिधिसभाका उम्मेद्वार छन् भने प्रदेशसभामा ११० जना उम्मेद्वार छन् । मोरङमा ७ लाख ३५ हजार ५२५ जना मतदाता रहेका छन् ।
