विराटनगर । विराटनगर ६ स्थित किडस भिलेज स्कुलमा फेसन शो कार्यक्रम सम्पन्न भएको छ।
आइतबार स्कुलमा विभिन्न धर्म, संस्कृति तथा पेशा र व्यवसायसँग सम्बन्धित फेसन शो कार्यक्रम सम्पन्न भएको हो।
उक्त कार्यक्रममा विद्यालयका प्राय: सबै विद्यार्थीहरूले कुनै न कुनै विधामा भाग लिएका थिए।
यस्ता किसिमको कार्यक्रमले समाजमा कुन कुन जाति, धर्म र संस्कृतिका मानिसहरु बसोवास गर्दा रहेछन भन्ने बारेमा विद्यार्थीहरुले सजिलै बुझ्न सक्ने तथा समाजमा कस्ता-कस्ता पेशा र व्यवसायहरू मानिसले अँगालेका रहेछन् भन्ने बारे ज्ञान दिने उद्देश्यले यस कार्यक्रमको आयोजना गरिएको विद्यालयका अध्यक्ष मदन खतिवडाले बताए ।
