विराटनगर । मृगौला प्रत्यारोपणका लागि आर्थिक सहयोग गर्न असिम शेखले अपिल गरेका छन् ।
वैकल्पिक उपचार अपनाउदा धेरै खर्च भएका कारण मृगौला प्रत्यारोपणका लागि आर्थिक सहयोग गर्न विराटनगर-१ का शेखले अपिल गरेका हुन् ।
राजमिस्त्री गर्दै आएका शेखले पहिलो पटक विराटनगरस्थित गोल्डेन अस्पतालमा उपचारका गएका थिए । अस्पतालले एक महिनाभित्र नै मृगौला प्रत्यारोपण गर्नुपर्ने सुझाव दिएको भए पनि आर्थिक अभावका कारण उपचार गर्न नसकेको उनले सुनाए ।
उपचारका लागि आफू बसेको वडा पनि सहयोगको अपेक्षासहित वडा कार्यालयमा निवेदन दिएको बताउदै उनले वडाले पनि केही सहयोग गर्ने प्रतिवद्धता जनाएको उनले बताए । यतिबेला आयुर्वेदिक पद्धतिबाट भारतको चण्डीगढमा उपचार गराउदै आएको बताउने उनी भारतमा पुगेर उपचार गर्न धेरै महँगो शुल्क तिर्नु परेकाले उपचार रकम जुटाउन थप समस्या परेको उनले बताए ।
‘नेपालमा गोल्डेन अस्पतालमा उपचार गर्न गएँ, त्यहाँ मृगौला प्रत्यारोपण गर्नुपर्छ भन्नुभयो डाक्टर, ’उनले सुनाए,‘पछि भारतको चण्डीगढमा गएर आयुर्वेदिक पद्धतिबाट उपचार गर्न गएको त्यहाँ महँगो शुल्का तिर्नुपर्ने रहेछ, करिब ८ दिन बस्नुपर्छ दिनको १६ हजारसम्म शुल्क तिर्नुपर्ने हुँदा खर्च जुटाउन गह्रो हुनेरहेछ ।’
तीन महिनामा उपचारको क्रममा दुई लाख भारु सकिएको उनले सुनाए । उनले उपचारका लागि तलको मोबाइल नम्बर र बैंक खाता नम्बर समेत दिएका छन् ।
खाता नम्बर : ००८५०८०२८८३७८ नेपाल इन्भेष्टमेन्ट बैँक
नाम : उनकी श्रीमती ओसिला खातुन
फोन नम्बर : ९८०४३३२४०३
