विराटनगर । विराटनगरमा जारी विद्यालयस्तरीय तेस्रो संस्करणको विराटनगर बास्केटबल कप प्रतियोगिताको फाइनल खेल शुक्रबार हुने भएको छ ।
पुरुष तर्फ समूह बिजेता हुँदै बिकेभीएम र उपबिजेता हुँदै सगरमाथा स्कुल फाईनल प्रवेश गरेको हो ।
त्यसैगरी महिलातर्फ पोखरीया स्कुल बिजेता र अरनिको स्कुल उपबिजेता हुँदै फाईनलमा आफ्नो स्थान सुरक्षित गरेको छ।
दुबै फाईनल खेल मङ्सिर २३ गते शुक्रवार कोबास कलेजको बास्केटबल कोर्टमा हुनेछ।
बास्केटबल कपको पहिलो संस्करण विराटनगरको सगरमाथा स्कुल र दोस्रो संस्करण भने इटहरीको विश्व आदर्श स्कुलले जितेको थियो।
