विराटनगर । राष्ट्रिय सौन्दर्यकर्मी यूनियन नेपाल (नाबुन) की अध्यक्ष स्व. पबि गुरुङको निधन प्रति सातवटै प्रदेशमा शोक सभामा गरिएको छ ।
नाबुन केन्द्रीय अध्यक्ष गुरुङको निधन भएको आज ११ औं दिनमा ७ प्रदेश भरी जिफन्ट तथा सम्पुर्ण घटक युनियन साथै राष्ट्रिय सौदर्यकर्मी युनियनले श्रद्धाञ्जली अर्पण गर्नुका साथै शोक सभा गरेको हो ।
यसैविच यता विराटनगरमा पनि शुक्रबार विहान जिफन्ट कार्यलयमा जिफन्ट प्रदेश नम्बर १, राष्ट्रिय सौन्दर्यकर्मी युनियन नेपालमा आवद्ध सम्पुर्ण सदस्यहरुको उपस्थितीमा शोक सभा गरेको छ । स्वर्गीय गुरुङको निधन प्रति उनको फोटोमा अविर र माल्यापर्ण गरी एक मिनेट मौन धारण समेत गरेर शोक मनाएको नेपाल ट्रेड युनियन महांसघ (जिफन्ट) प्रदेश १ अध्यक्ष किशोर धमालाले जानकारी दिए ।
गुरुङको निधन प्रति शुक्रबार सातै वटा प्रदेशमा श्रद्धाअञ्जली शोक गरेको जिफन्टले जनाएको छ । क्यान्सर पिडित रहेकी उनको गत पौष ५ गते निधन भएको थियो । पोखरामा भएको राष्ट्रिय सौन्दर्यकर्मी युनियनको चौथो राष्ट्रिय अधिवेशनबाट हालको अध्यक्ष हुनुहुन्थ्यो ।
