विराटनगर । विराटनगरमा सम्पन्न भएको २७ औँ संस्करण टेस्टी टेस्टी हाजिरी जवाफ प्रतियोगिता सम्पन्न भएको छ,जसमा एभरेष्ट स्कुल विराटनगर पनि विजेता बन्न सफल भएको छ ।
विराटनगरको हाटखोलास्थित आरोहण गुरुकुलमा सम्पन्न प्रतियोगितामा एभरेष्ट स्कुलले उपाधी आफ्नो पोल्टामा पारेको हो । त्यस्तै दोस्रो स्थानमा सगरमाथा पर्न सफल भएको छ भने तेस्रो स्थानमा बीकेभीएम स्कुल विराटनगर बिजयी भए । फाइनलको रोमान्चक खेलको संचालन विराटनगर जुनियर जेसिजका संस्थापक अध्यक्ष , विराटनगर जेसिजका पुर्व अध्यक्ष जेसि डा.संदेश दास श्रेष्ठले गरे।
कार्यक्रमको प्रमुख अतिथि विराटनगर महानगरपालिकाका मेयर नागेश कोइराला , काबरा ग्रुप अफ इन्डस्टृज का निर्देशक नबल किशोर कबरा र श्याम कब्रा, विराटनगर जुनियर जेसिजका सस्थापक अध्यक्ष डा.सन्देश दास श्रेष्ठ लगायतले पुरस्कार ट्रफी तथा प्रमाण पत्र र नगद पुरस्कार प्रदान गरेका थिए ।
उक्त प्रतियोगितामा १८ स्कुलको सहभागीता रहेता पनि फाइनलमा ६ स्कुलबीच प्रतिस्पर्धा भएको थियो । उक्त कार्यक्रमका विजेतालाई काभ्रा समुहबाट प्रथम हुनेलाई १५०००(पन्ध्र हजार), दोश्रो हुने लाई १००००(दश हजार) र तेस्रो हुने लाई ५०००(पाँच हजार)नगद राशि वितरण गरिएको विराटनगरका जुनिएर जेसीजका अध्यक्ष जु.जे विकल्प न्यौपानेले जानकारी दिए ।
कार्यक्रममा विभिन्न वर्षका जेसीजका अध्यक्षहरुको उपस्थिति रहेको थियो ।
