विराटनगर । प्रहरीले अर्काको स्कुटर चोरी गरेर त्यसको पार्टपूर्जा बिक्री गर्दै आएको आरोपमा एकजनालाई पक्राउ गरेको छ । विराटनगर–८ का २० वर्षीय सतिस मुखियालाई प्रहरीले चोरेको स्कुटरको पार्टपूर्जा खोलिरहेको अवस्थामा पक्राउ गरेर सार्वजानिक गरेको हो ।
गत पुस १४ गते मधुमाराबाट प्रदेश नम्बर ०१–०२–००५१ प १०२७ नम्बरको स्कुटर चोरी भएको थियो । स्कुटर हराएको सूचनापछि प्रहरीको खोजतलास गर्दा खोलिरहेको अवस्थामा उनी पक्राउ परेका हुन् ।
मोरङ प्रहरीका प्रहरी नायव उपरीक्षक टिकाबहादुर कार्कीका अनुसार चोरीएको स्कुटरसहित मुखियालाई नियन्त्रणमा लिएर मोरङ जिल्ला अदालतबाट पाँच दिनका म्याद थप गरेर अनुसन्धान सुरु गरिएको छ ।
