विराटनगर । विराटनगरको हाम्रो अभियान टिमले न्यानो कपडा वितरण गरेको छ ।
शनिबार हाम्रो अभियान टिमले विराटनगर ८ स्थित बलुवाहीमा न्यानो कपडा वितरण गरेको हो ।
चिसो बढेसगै उक्त स्थानका ३ सय परिवारलाई कम्बल,ज्याकेट, स्विटर, पेन्ट,सर्ट , टोपी,मोजा लगायतका न्यानो कपडा वितरण गरिएको हाम्रो अभियान टिमका अभियानकर्ता कृष्ल आलेले जानकारी दिए।
कार्यक्रममा उपस्थित मध्ये एकजनाले जाडोको बेलामा न्यानो कपडा वितरण गरेर सहयोग पुर्याएकोमा खुसी व्यक्त गरे ।
प्रयोग गर्न मिल्ने तर प्रयोगमा नआएका कपडा संकलन गरि राम्रोसग धुएर वितरण गर्ने गरेको अभियानकर्ता आलेले बताए।
हाम्रो अभियान टिमले सामाजिक कार्य गर्दै आएको छ।
