विराटनगर । जिल्ला प्रहरी कार्यालय मोरङको कर्मचारी प्रशासन शाखामा कार्यरत प्रहरी नायव निरीक्षक (सई) कोपिला भुजेल प्रदेश प्रहरी कार्यालय तानिएकी छिन् । कर्मचारी प्रशासनमा बसेर अन्य प्रहरीसँग रकम माग गरेको आरोपमा उनलाई जिल्लाबाट प्रदेशमा तानिएको हो ।
पायक पर्ने स्थानमा सरुवा गरिदिने भन्दै उनले रकम माग गर्ने गरेको आरोप छ । उनका विरुद्ध प्रहरी हेडक्वाटरमा उजुरी परेपछि छानविन गर्दा १७ जनासँग रकम माग गरेको देखिएको थियो ।
रकम माग गरेर आफ्नै एकाउन्टमा हाल्न लगाएको देखिएपछि उनी विभागिय कारवाहीमा परेकी हुन् ।
प्रदेश प्रहरी कार्यालयका प्रहरी उपरीक्षक एवं सुचना समन्वय अधिकृत नविनराज राईले प्रहरी संगठन भित्रको आन्तरिक विषय सार्वजानिक गर्न नमिल्ने बताएका छन् ।
उनलाई हेडक्वाटरको निर्देशनमा प्रहरी तालिम केन्द्रमा तानिएको थियो ।
