विराटनगर । प्रहरीले विराटनगर–१९ बाट एउटा अटोमा लोड गरेर ल्याउँदै गरेको ४५५ लिटर घरेलु मदिरासहित तीनजनालाई पक्राउ गरेको छ । अस्थायी प्रहरी चौकी घिनाघाटको टोलिले विराटनगरतर्फ ल्याउँदै गरेको घरेलु मदिरासहित तीनजनालाई नियन्त्रणमा लिइएको हो ।
जिल्ला प्रहरी कार्यालय मोरङका प्रहरी नायव उपरीक्षक दिपक श्रेष्ठका अनुसार को १ ह १८६९ नम्बरको अटोमा मदिरा लिएर आउँदै गरेका विराटनगर–५ का दिपेन्द्र अमात्य, बेलबारी नगरपालिका ११ निवासी सुनिता राई र शोभा राईलाई पक्राउ गरेको छ । बरामद मदिराको विषयमा आवश्यक कारवाहीका लागि आन्तरिक राजस्व कार्यालय विराटनगरमा बुझाइएको छ ।
