विराटनगर । ललित कला संगम र महिला उद्यमी संघ नेपालको संयुक्त आयोजनामा चित्रकला एवम् हस्तकला प्रदर्शनीको अयोजना गरेको छ ।
पञ्चमीको अवसरमा आज (विहिवार) प्रदेश १ स्तरीय चित्रकाल र हस्तकाल प्रदर्शनीको आयोजना गरीएको हो ।
विराटनगरमा आयोजना भएको प्रदर्शनीमा प्रदेशभरका कलाकारहरुले आफ्नो कला प्रदर्शनका लागि राखिएको ललित कला संगम मोरङका अध्यक्ष जेपि चौधरीले जानकारी दिए । पञ्चमीका दिन विद्याकी देवी सरस्वतीको आधरना र सम्मानको साथै कलाले प्रदेश १ लाई चिनाउने उद्देश्यले हस्तकाल र चित्रकाल प्रदर्शनीको आयोजना गरिएको उनको भनाई थियो ।
प्रेम,प्रकृति सद्धभाव,सुन्दरता र मौलिकता झल्काउने चित्रहरु हरु साथै उनबाट बनाइएका पहिरन, हात व्याग लगायत प्रदर्शनीमा राखिएको छ । प्रदर्शनीमा १ हजार बढीले अवोलकन गर्न आउने अनुमान राखिएको चौधरीले बताए ।
उनले वैशाखमा तीन दिने राष्ट्रिय भेला समेत राखिने जानकारी दिए । अहिलेसम्म प्रदर्शन स्थलमा अवलोकनका लागि प्रदेश सरकारको तर्फबाट, स्थानीय तहको तर्फबाट उपमेयर शिल्पा निरौला कार्की लगायतको उपस्थिति भएको आयोजकले जनाएको छ ।
