विराटनगर । विराटनगरमा जारी दोश्रो बिराट सडक महोत्सव भव्यताका साथ सम्पन्न भएको छ । विराटनगरको हिमालय रोडमा माघ १२ गतेदेखी १४ गते सम्म जारी महोत्सवमा विविध जातिय परिकारका खानाहरु राखिएको थियो ।
मन्जिना मुभिज क्रिएसनले आयोजना गरेको महोत्सवलाई विराटनगर महानगरपालीका मुख्य प्रबर्द्धक गरेको थियो । ३ दिन सम्म आयोजना गरिएको सडक महोत्सवमा हजारौँ दर्शकले अवलोकन गरेको मन्जिना मुभिज क्रिएसनका निर्देशक जतिन ताम्राकारले जानकारी दिए । सडक महोत्सवमा हरेक साँझ राष्ट्रिय तथा स्थानिय कलाकारहरुको बेजोड प्रस्तुतिले गर्दा उपस्थित दर्शक तथा अवलोकनकर्ताहरुले भरपुर मनोरन्जन लिएका थिए ।
