विराटनगर । विराटनगरबाट स्रोत नखुलेको ९ लाख २० हजार रूपैयाँ सहित एक जनालाई प्रहरीले पक्राउ गरेको छ।
विराटनगर महानगरपालिका-१० सोमबारे चोकबाट स्रोत नखुलेको नेपाली नगद ९ लाख २० हजार रूपैयाँ सहित विराटनगर महानगरपालिका-१९ बस्ने ४१ वर्षीय रंजित कुमार साहलाई बुधबार राति प्रहरीले पक्राउ गरेको हो ।
सिआरभि घोगापुलबाट खटिएको प्रहरीले बिआर ३८ एन ४९३० नम्बरको मोटरसाइकल जाँच गर्ने क्रममा मोटरसाइकलमा सवार उनलाई उक्त नगद सहित फेला पारी प्रहरीले पक्राउ गरेको हो ।
घटना बारेमा थप अनुसन्धान गरिरहेको प्रहरीले जनाएको छ ।
