विराटनगर । प्रहरीले विराटनगर–१० स्थित सोमबारेबाट स्रोत नखुलेको ९ लाख २० हजारसहित एकजनालाई पक्राउ गरेको छ ।
जिल्ला प्रहरी कार्यालय मोरङ र सिआरभी घोघापुलको संयुक्त टोलिले सवारी चकेजाँच गर्ने क्रममा विराटनगर–१५ का रंजितकुमार साहलाई पक्राउ गरेको हो ।
चेकजाँचको क्रममा बीआर ३८ एन ४९३० नम्बरको मोटरसाइकलमा रहेका उनले नौलाख २० हजार रुपैया बोकेको अवस्थामा फेला परेका थिए । उनको साथबाट एटीएम कार्य दुईथान र उनी सवार मोटरसाइकल समेत बरामद भएको छ । उनलाई थप कारवाहीका लागि राजस्व अनुसन्धान कार्यालय इटहरी पठाइएको छ ।
