विराटनगर । प्रहरीले एक लाख भन्दा बढीको अवैध मेडिकल सर्जिकल सामाग्रीसहित एक जनालाई पक्राउ गरेको छ ।
आज (विहिबार) जिल्ला प्रहरी कार्यालय मोरङबाट खटिएको प्रहरी टोलीले चेकजाँचको क्रममा को १ ह १३२५ नम्बरको सिटीमा भारतबाट नेपाल तर्फ ल्याउदै गरेको मेडिकल सामाग्रीसहित एकजनालाई प्रहरीले पक्राउ गरेको हो ।
पक्राउ पर्नेमा सिटी चालक विराटनगर १२ का ५६ वर्षिय शिवशंकर मण्डल रहेको जिल्ला प्रहरी प्रवक्ता प्रहरी नायव उपरीक्षक टिका बहादुर कार्कीले जानकारी दिए । उनका अनुसार अन्दाजी १ लाख ५० हजार बराबरको मेडिकल सर्जिकल सामाग्री बरामद गरी सिटी र सिटी चालकलाई नियन्त्रणमा लिइएको हो ।
‘अन्दाजी रू एक लाख पचास हजार बराबरको मेडिकल सर्जिकल सामाग्री बरामद गरीएको छ, साथै सिटि र सिटि चालक जिल्ला मोरङ विराटनगर महानगरपालिका वडा नं.-१२ बस्ने बस्ने वर्ष ५६ को शिवशंकर मण्डललाई नियन्त्रणमा लिईएको छ,’डिएसपी कार्कीले भने,‘पक्राउ परेको समाग्रीसहित मण्डललाई आवश्यक कारवाहीको लागि राजश्व अनुसन्धान कार्यालय ईटहरी सुनसरीमा बुझाईएको छ । ’
