विराटनगर । बिराटनगर–१५ बाट स्रोत नखुलेको अवैध भारतिय रुपैँयासहित दुई जनालाई प्रहरीले पक्राउ गरेको छ । पक्राउ पर्नेहरुमा भारत हरियानाका ३० बर्षीय सन्नी गुप्ता र ३४ बर्षीय सुरेन्द्र कुमार रहेका छन् ।
बुधबार राती ११ बजे इलाका प्रहरी कार्यालय रानी (सिमा) बाट खटिएको प्रहरी गस्ति टोलीले शंकास्पद अवस्थामा रहेका दुबै जनालाई चेक जाँच गर्दा अवैध रकम फेला परेको थियो ।
उनीहरुको साथबाट भारतीय रुपिँया ७ लाख २० हजार बरामद गरेको भएको छ । अबैध रकम बरामद भए संगै पक्राउ परेका उनिहरुमाथि जिल्ला प्रहरी कार्यालय मोरङबाट थप अनुसन्धान भईरहेको छ ।
