विराटनगर । विराटनगरको मेन रोडमा रहेको सेन्ट्रल मल चौथो बर्ष पुरा गरी पाँचौ बर्षमा प्रवेश गरेको छ ।
यसैविच सेन्ट्रल मलले शनिबार एक कार्यक्रम गरी वार्षिकोत्सव भव्य रुपमा मनाएको छ ।
वार्षिकोत्सव अवसर पारेर शनिबार विहान रक्तदान कार्यक्रम आयोजना गरेको सेन्ट्रल मलका प्रविण उदासले जानकारी दिए । रक्तदान कार्यक्रममा दुई दर्जन बढीले रक्तदान गरेका थिए । सोही दिन विराटनगरमा रहेको मानव सेवा आश्रममा भोजन पनि गराएको छ । सेन्ट्रल मलका निर्देशक विकास चौधरीको सुझाब अनुसार सेन्ट्रल मलले मानव सेवा आश्रममा रहेको ज्येष्ठ नागरिक, बालवालिकाहरुलाई भोजन गराएको हो ।
वार्षिकोत्सवको अवसरमा सेन्ट्रल मलले छुट योजना पनि ल्याउने भएको छ । विभिन्न बस्तुको खरिदमा मलले छुट योजना ल्याएको हो । वार्षिकोत्सवमा सेन्ट्रल मलले संचालक र कर्मचारीहरुबीच केक समेत काटेका थिए ।
यसैविच सेन्ट्रल मल भित्र रहेको सेन्ट्रल बजारले पनि बार्षिक उत्सवको अवसरमा आफ्ना ग्राहकवर्गहरुलाई विशेष छुटको व्यवस्था गरेको छ ।
