विराटनगर । कटहरी गाउँपालिका-७ तकिया रोड स्थित भित्री सडक खण्डमा सवारी दुर्घटना हुँदा एक जनाको मृत्यु भएको छ ।
सोमबार बिहान ११ बजे उत्तरबाट दक्षिण तर्फ जादै गरेको प्रदेश १-०२-००१ क ३८९ नम्बरको टिफरले बिपरित दिशाबाट आउदै गरेको को २२ प ७८२३ नम्बरको मोटरसाईकललाई ठक्कर दिदा मोटरसाईकल चालक ग्रामथान गाउँपालिका-६ का ३३ बर्षीय पप्पु सहनीको घटना स्थलमा नै मृत्यु भएको जिल्ला प्रहरी कार्यालय मोरङले जनाएको छ ।
घटनामा संलग्न ठक्कर दिने टिफर र चालक जिल्ला काभ्रे पाँचखान नगरपालिका-६ का ५९ बर्षीय श्याम बहादुर मगरलाई प्रहरीले नियन्त्रणमा लिई घटना सम्बन्धमा थप अनुसन्धान भईरहेको प्रहरीले जनाएको छ ।
फोटो:फाइल
