विराटनगर । विराटनगर-४ आयल निगम अगाडि शनिबार बेलुका दुर्घटना हुँदा एकजनाको मृत्यु भएको छ ।
मृत्यु हुनेमा सुनसरी बर्जु-४ अमडुवाका शिवकुमार गुरुङ छन् ।
उत्तरबाट दक्षिणतर्फ प्रदेश १-०२-०४० प ३२३२ नम्बरको मोटरसाइकलमा सवार गुरुङलाई बा ०१-२५-५४४६ कारले ठक्कर दिदाँ गम्भीर घाईते भएका थिए। मोरङ प्रहरीका प्रवक्ता रन्जनकुमार दाहालका अनुसार घाइतेलाई उपचारको लागि आर्या न्युरो अस्पतालमा भर्ना गरिएको थियोे । टाउकोमा चोट लागेका उनको उपचारका क्रममा मृत्यु भएको थियो ।
कार चालक सरोज सिग्देल फरार रहेको प्रवक्ता दाहालले जानकारी दिए ।
