सुशिल साह
विराटनगर । विराटनगर–९ घोघापुल चौकमा थुपारिएको फोहोर स्थानीय सर्वसाधारणको घरमा छिर्ने गरेको भन्दै गुनासो बढेको छ ।
चौकमा फोहोर थुपार्दा हावाले घर भित्रैसम्म ल्याउने गरेको भन्दै स्थानीयले त्यसको व्यवस्थापनका लागि माग गरेका हुन् ।
चौकमा फोहोर थुपार्ने बानीका कारण घरमा दुर्घन्ध फैलिदाँ घाडावाल समेत बस्न नमान्ने गरेको स्थानीय श्रवणकुमार साहले गुनासो गरेका छन् । उनले आसपासका सबैले आफ्नो घर अगाडी फोहोर ल्याएर थुपार्ने गरेको बताए । फोहोर नथुपार्न भन्दा उल्टै झगडा गर्ने गरेको बताए ।
फोहोर व्यवस्थापन नहुँदा चौकमा रहेको घरका सटर समेत भाडामा नलाग्ने गरेको गुनासो गरिएको छ । सधैंभरलाई फोहोरको समाधान हुनुपर्छ, साहले भने–चौकमा बनाएको घरमा व्यवासय गर्नेहरु फोहोर गन्हाएर बस्न सक्दैनन् । भाडावाल बस्न नसक्दा त्यसको अवसर कर्जा बुझाउन परिरहेको साहले गुनासो गरे ।
