विराटनगर । विराटनगर महानगरपालिका-११ पाञ्चाली मोड स्थितबाट स्रोत नखुलेको रकम सहित एक जना पक्राउ परेका छन् ।
विराटनगर-१५ का ४३ वर्षीय अनिल यादबलाई प्रहरीले पक्राउ गरेको हो ।
आइतबार दिउँसो कोशी प्रदेश प्रहरी कार्यालय विराटनगर आरआइटी(RIT) बाट खटिएको प्रहरी टोलीले बी आर ३३ जेड९७९६ नम्बरको मोटरसाईकलमा सवार रहेका यादबलाई शंका लागि चेक जाँच गर्ने क्रममा उनको साथबाट स्रोत नखुलेको नेपाली रुपैयाँ ४ लाख ६२ हजार ५ सय बरामद गरेको थियो ।
स्रोत नखुलेको नेपाली रुपैयाँसहित पक्राउ परेका यादबलाई आवश्यक अनुसन्धान तथा कारवाहीको लागि जिल्ला प्रहरी कार्यालय मोरङमा बुझाईएको प्रहरीले जनाएको छ ।
