विराटनगर । बुढीगंगाको टंकीसिनवारी जेसीजले युवाहरुलाई ६ दिने उद्यमशिलता विकास सम्बन्धि तालिमको आयोजना गर्ने भएको छ।
जेसीजद्वारा सोमबार आयोजित पत्रकार सम्मेलनमा बुढीगंगा गाउँपालिकासँगको सहकार्यमा आगामी जेठ ९ गते देखि १४ सम्म तालिम आयोजना गर्न लागेको जानकारी दिईएको छ ।
बुढीगंगाका सात वटा वडाहरुबाट १०-१० जनाको दरले ७० जना तालिमका सहभागी छनौट गरिने टंकीसिनवारी जेसीजका अध्यक्ष नवराज साहले जानकारी दिनुभयो । ख्यातीप्राप्त व्यक्तिहरुबाट तालिमका सहभागीलाई सहजीकरण हुने उहाँले बताउनुभयो ।
तालिममा उत्कृष्ट भएका र नयाँ उद्यम शुरु गर्न चाहने युवाहरुका लागि गाउँपालिकाले विउ पुँजी उपलब्ध गराउने योजना बनाईएको गाउँपालिकाका अध्यक्ष जितनारायण थापामगरले जानकारी दिनुभयो ।
आगामी आर्थिक वर्षको बजेटमा युवाको उद्यमशिलता विकासका लागि आवश्यक बजेटको व्यवस्था गरिने उहाँले बताउनुभयो ।
