विराटनगर । विराटनगर महानगरपालीका १९ मा रहेको युमी स्कुल मोरङले विविध कार्यक्रम गरी अभिभावक दिवस मनाएको छ ।
जापानीज विधी अनुसार पढाई हुने उक्त स्कुलले मंगलबार विविध सांस्कृतिक कार्यक्रम गरी अभिभावक दिवस मनाएको हो ।
स्कुलले आफ्ना विद्यार्थीहरुलाई विभिन्न जातजातीको पोशाक साथै जापानिज भेषभुषामा समेत उपस्थित गराई भव्य रुपमा अभिभावक दिवस मनाएको छ ।
अभिभावक दिवसको प्रमुख अतिथि विराटनगर महानगरपालिकाका मेयर नागेश काईरालालले भर्खरै निर्माण सम्पन्न भएको दुई तले भवनको उद्धघाटन समेत गरेका थिए । साथै जापानबाट आएका सुनाए ईशिकावा , तोमोको आकियामा र स्कुलका संस्थापक शरद राईले कोईरालालाई साथ दिएका थिए ।
कार्यक्रममा देशभक्ती गीत साथै जापानिज भाषाको गितहरुमा समेत विद्यार्थीहरुले नृत्य प्रस्तुत गरी उपस्थित आभिभावक तथा अतिथीहरुलाई भरपुर मनोरन्जन प्रदान गरेका थिए । विद्यार्थीहरुलाई पढाईका अलवा अतिरिक्त क्रियाकलापका गतिविधीमा समेत सामेल गराई उनीहरुको क्षमता अभिवृद्धी गराउने स्कुलको पहिलो लक्ष्य रहेको स्कुलका संस्थापक शरद राईले जानकारी दिए ।
विद्यार्थीहरुलाई शान्त वातावरणमैत्रीमा जापानिज विधीका केही अभ्यासहरु समेत गराउने हुँदा बालबालिकाहरुको भविष्य निर्माणको लागी पनि राम्रो माध्यम बन्ने राईको भनाई छ । राईले जापानको विश्वविद्यालयबाट पिएचडी समेत गरेर त्यहाँको अनुभव लिएर हाल ८ बर्षदेखी युमि स्कुल संचालन गर्दै आएका छन् ।
कक्षा नर्सरीदेखी १० कक्षा सम्म पढाई हुने स्कुलमा हाल ३ बढी विद्यार्थीहरु अध्ययनरत रहेको युमी स्कुलका प्रिन्सीपल निपुर्ण शाक्यले जानकारी दिए । स्कुलले यस अघि पनि विविध कार्यक्रमहरु आयोजना गर्दै फरक फरक शैलीमा मनाउदै आएको छ ।
