विराटनगर । जनता समाजवादी पार्टी (जसपा)ले सरकारबाट मन्त्री फिर्ता बोलाउने तयारी गरेको छ ।
जसपाको कोशी प्रदेश समितिको बैठकले प्रदेश सरकारबाट मन्त्री फिर्ता बोलाउने निर्णय गरेको हो । सुनसरीको इटहरीमा सम्पन्न बैठकले प्रदेश सरकारमा सहभागी स्वास्थ्य मन्त्री निर्मला लिम्बूलाई फिर्ता बोलाउने निर्णय गरेको बुझिएको छ ।
एमालेबाट मुख्यमन्त्री बनेका हिक्मतकुमार कार्की नेतृत्वको सरकारमा गत पुस २५ गते लिम्बु सहभागी भएकी थिइन् । केन्द्रमा सत्ता गठबन्धन दलमा रहेका दलहरु माओवादी र जसपाले सरकारलाई दिएको समर्थन फिर्ता लिनुपर्नेमा कांग्रेसले जोड दिइरहेको थियो ।
लिम्बुलाई मन्त्रीबाट फिर्ता बोलाएर समर्थनबाट हटेपछि कार्की नेतृत्वको सरकार संकटमा पर्ने देखिएको छ । जसपाले आधिकारिक धारणा आज पत्रकार सम्मेलन गरेर जानकारी दिने भएको छ ।
अब माओवादी केन्द्रले सरकारलाई दिएको समर्थन फिर्ता लिने विषयमा छलफल भईरहेको स्रोतले बताएको छ ।
