विराटनगर । विराटनगरका सन्दिप अभिनित चलचित्र ‘वेलकम टु हेम्जाकोट’ शुक्रबारबाट प्रदर्शनमा आउने भएको छ ।
शुक्रबारबाट प्रदर्शनमा आउने चलचित्र ‘वेलकम टु हेम्जाकोट’को प्रिमियर शो सम्पन्न भएको छ । प्रिमियरमा चलचित्रको राम्रो प्रतिक्रिया आएको छ ।
निर्देशक सरोज पौडेलले फिल्मले बेरोजगार पात्रको संघर्षको कथा पेश गर्ने बताए।
विराटनगरका युवा कलाकार अभिनेता संदिप सिग्देलका अनुसार चलचित्र सबै उमेर समुहको लागि बनेको र चलचित्रले भरपुर मनोरञ्जन दिनेछ । उनले सबै विराटनगरबासीलाई समेत चलचित्र हेर्न अनुरोध पनि गरेका छन ।
विराटनगर लगायत कोशी प्रदेशमा पनि चलचित्रले राम्रो शो पाएको उनको भनाइ छ ।
क्लोजअप सिने प्रोडक्सनको ब्यानरमा निर्माण भएको फिल्ममा बुद्धि तामाङ, विनोद न्यौपाने, दिनेश खड्का, प्रदिप ढकाल, सन्दिप सिग्देल, अम्बिका तामाङ, सुजाइरा कार्की, विशाल पहारी, रवि गिरी, लक्ष्मीनाथ तिमल्सीना, रश्मी भट्ट, अस्मिता पन्त, शारदा गिरी, बलदिव राई, प्रेविल कंडेल, स्व.जयनन्द लामालगायत कलाकारको अभिनय छ। फिल्मको कथा निर्देशक पौडेलले तयार पारेका हुन्।
यो फिल्म जेठ २६ गतेदेखि प्रदर्शन हुँदैछ।
