विराटनगर । कोशी प्रदेशसभाको चालु बजेट अधिवेशन अन्त्य भएको छ।
बुधबार प्रदेश मन्त्रिपरिषदको बैठकले गरेको सिफारिसको आधारमा प्रदेश प्रमुख पर्शुराम खापुङले प्रदेशसभाको अधिवेशन आज राति १२ बजेदेखि लागू हुनेगरि अन्त्य गरेका हुन् ।
संविधान र कानुन अनुसार असार १ गतेसम्ममा प्रदेशसभामा सरकारले बजेट पेश गर्नुपर्ने बाध्यात्मक व्यवस्था छ । प्रदेशसभामा आज नै प्रदेश प्रमुखले सरकारको नीति तथा कार्यक्रमपेश गरेका थिए । त्यसमाथि छलफलसमेत नगराई सरकारले प्रदेशसभाको अधिवेशन नै अन्त्य गरेको हो ।
त्यसो त प्रदेशसभा बैठकमा विपक्षी दलहरुले संसद छलेर अध्यादेशबाट बजेट ल्याउने प्रयास असंवैधानिक रहेको भन्दै त्यसो नगर्न सरकारको खबरदारी समेत गरेका थिए ।
