विराटनगर । विराटनगरको शिक्षादीप कलेजले उत्कृष्ट शिक्षक र कर्मचारीलाई सम्मान गरेको छ । कलेजले आइतबार विहान एक कार्यक्रम आयोजना गरी एक जना उत्कृष्ट शिक्षक र दुई जना कर्मचारी सम्मान गरेको हो ।
यसरी सम्मानित हुनेमा फिजिक्स विषय पढाउने शिक्षक दयानन्द सिंह दनुवार रहेका छन् । त्यसैगरी व्यवस्थापन संकाय तर्फका कर्मचारी श्री राम पौडेल र विज्ञान संकायतर्फका कर्मचारी दिपा केसी बस्नेतलाई सम्मान गरेको थियो ।
सम्मानित भएका शिक्षक र कर्मचारीलाई कोशी प्रदेशका सामाजिक विकास मन्त्री बुद्धिकुमार राज भण्डारीले कदर पत्र र दोसल्ला ओढाएर सम्मान गरेका थिए ।
यसैविच कार्यक्रममा शिक्षाविद एबम् उत्प्रेरक डा.नवीन कुमार शर्माले उपस्थित विद्यार्थीहरुलाई भविष्यको कामना गर्दै उत्प्रेरक ज्ञानका कुरालाई प्रदान गरेका थिए ।
कार्यक्रममा बोल्दै मन्त्री राजभण्डारीले अनुसाशित भएर अध्ययन गरे विद्यार्थीहरुले सफलता हात पार्ने बताउनुभयो । अहिलेको शिक्षा सीप सहितको रोजगारमुखी शिक्षा आजको आवश्यक भएको समेत भण्डारीले बताउनुभयो ।
कलेजका प्रिन्सिपल ज्ञानबहादुर खड्काले शिक्षादीपमा सबै उत्कृष्ट शिक्षकहरु रहेको जानकारी गराउँदै विद्यार्थीले दिएको भोटको आधारमा एक जना उत्कृष्ट शिक्षक र कर्मचारीहरुलाई छनौट गरी सम्मान गरेको बताउननुभयो ।
