विराटनगर । विराटनगर १० मा रहेको लर्डबुद्ध कलेजले ४ दिन सम्म नि:शुल्क स्वास्थ्य शिविर सुरु गरेको छ ।
लर्ड बुद्ध कलेजको आयोजना तथा न्युरो हस्पिटलको प्राविधिक सहयोगमा एसईइ दिएका विद्यार्थी र उनीहरुका अभिभावकलाई कलेजले मंगलबारबाट ४ दिनसम्म नि:शुल्क स्वास्थ्य चेकजाँच सुरु गरेको हो ।
न्युरो अस्पतालकी कार्यकारी निर्देशक डा.अनिशा बिष्टको स्वास्थ्य र शिक्षालाई सँगसँगै लैजाने उदेश्यका साथ कलेजले विराटनगरमा एसईइ दिएका विद्यार्थी तथा अभिभावकहरुलाई नि:शुल्क स्वास्थ्य चेकजाँच गरिएको लर्ड बुद्ध कलेजका प्रशासन प्रमुख एन्जेश कोईरालाले जानकारी दिए ।
मंगलबारबाट सुरु भएको नि:शुल्क स्वास्थ्य शिविरमा पहिलो दिन १९७ जना विद्यार्थी तथा उनीहरुका अभिभावकले सेवा लिएको कलेजले जनाएको छ ।
स्वास्थ्य शिविरमा वरिष्ठ आपत्कालिन सेवा चिकित्सक गोल्ड मेडलिस्ट डा. प्रफुल्ल कोइरालाको नेतृत्वमा डा. सुभम घिमिरे लगायतको चिकित्सकिय टोलिले स्वास्थ्य सेवा प्रदान गरिहेको छ ।
४ दिनसम्म चल्ने उक्त शिविरमा प्रेसर सुगर लगायत प्रारम्भिक जाँच कलेज मै गरिएको र अन्य थप विरामीको अवस्था हेरेर न्युरो अस्पतालमा नै जाँच गरिने कोईरालाले जानकारी दिए । साथै शिविरमा सेवा लिनेहरुका लागि न्युरो अस्पतालमा नि:शुल्क ओपीडी सेवा र ल्यावहरुमा २५ प्रतिशतसम्म छुटको व्यवस्था गरेको कलेजले जनाएको छ ।
स्वास्थ्य शिविर कार्यक्रमको उद्धघाटन न्युरो अस्पतालका अप्रेशन डाईरेक्टर राजेश भट्टराईले गरेका थिए ।
