विराटनगर । पहाडी भेग तथा तराईका जिल्लाहरुमा बर्षायाम सुरु भईसकेको छ ।
विराटनगरमा पनि केहीदिन यता दिनहु जसो झरी पर्दै आएको छ । अझ रातको समयमा त झन मुसलधारे बर्षा नै हुँदै आएको छ ।
रातभरी परेको पानीले विराटनगरका भित्रि सडक तथा गहिरा भागहरु डुवान हुने गर्दछ ।
भूकम्प बाहेक क्षति गर्ने १२ प्रकारका प्रकोपमध्ये बाढी तथा डुबानले वर्षेनी सबैभन्दा बढी धनजनको नोक्सानी गर्दै आएको छ । यो समस्याबाट कोशी प्रदेशको राजधानी विराटनगर पनि अछुतो छैन ।
विराटनगरमा बर्षेनी बाढी तथा डुवानले ठूलो नोक्सानी पुर्याउदै आएको छ । यसको लागी सम्बन्धित निकायले बर्षेनी लाखौ खर्च नगरेका भने होईन । तर पनि बाढी र डुवानले गर्दा हरेक बर्ष समस्या ज्युँकात्यु भईरहेको हुन्छ ।
विराटनगर महानगरपालिकाले भने यसपटक के कस्तो तयारी गर्दै आईरहेको छ त ? यसै सम्बन्धी सहकर्मी प्रेम देवानले तयार पार्नुभएको भिडियो रिर्पोट हेर्नुहोस्:
