विराटनगर । अग्नि ग्रुपले विराटनगरमा महिन्द्रा पावरोल डिजेल जेनरेटरको डिलर संचालनमा ल्याएको छ । विराटनगर ३ स्थित खार्जीमा महिन्द्र पावररोल जेनेटरको डिलर बुधबारबाट एक कार्यक्रम संचालनमा ल्याइएको हो । डिलरको अग्नि ग्रुपका म्यानेजिङ डाइरेक्टर क्याबिनेट श्रेष्ठले उद्घाटन गरेका थिए ।
अग्नि ग्रुपसँग पावरोलको विराटनगरका लागि डिलर सिप भने एम एस प्याक्ट पावर प्रालिले लिएको छ । अग्नि ग्र्पले महिन्द्रा युटिलिटि भेहिकल, ट्र्याक्टर तथा इलेक्ट्रिक सवारी साधनहरूको आयात तथा वितरण गर्दै आइरहेको छ ।
आजबाट संचालनमा ल्याइएको डिलरको उद्धघाटन गर्दै अग्नि ग्रुपका म्यानेजिङ डाइरेक्टर क्याबिनेट श्रेष्ठले महिन्द्रा पावरोल नेपालको जेनरेटर उद्योगमा अग्रणी रहेको र सबै रोजाइमा रहेको दाबी गरे । उनले सेवा विस्तारका क्रममा आफूहरू विराटनगरमा पनि आएको र विराटनगरमा उत्कृष्ट सेवा प्रदान गर्ने बताए ।
उनले विराटनगरको डिलर मार्फत पावरोल जेनरेटरको बिक्री, सामानहरूको बिक्री र सर्भीसिङ्ग हुने बताए । उनले पावारोल जेनरेटरको डिलर नेपालभर रहेकाले यसका सामान र मर्मत सबै तिर सजिलै पाइन बताए । जेनरेटर पूर्वाधार निर्माण,होटल, अस्पताल, बैङ्क र सरकारी कार्यालयहरूमा प्रयोग गर्न उपयुक्त भएको जानकारी दिए । महिन्द्रा पावरोल जेनरेटरका ५ केभी ए देखि ६२५ केभी ए सम्मका २८ मोडेलहरू नेपालमा उपलब्ध रहेका छन् ।
